Hydra kælispíralar í lestarkælingu

Stærsta HYDRA kerfið á leið til BNA

by with No Comment Óflokkað

Fyrir nokkrum dögum sendum við stærsta HYDRA kerfið sem hefur verið gert til þessa, til austurstrandar Bandaríkjanna. Stærðin á þessu HYDRA kerfi er þannig að það rétt kemst fyrir í 20 feta gám. Stærðin á þessu kerfi er 50/450 lítrar freon/glycol.

Hydra kælispíralar í lestarkælingu

Verkefnið í hnotskurn

Verkefnið felur í sér uppsetningu á nýjum frystivélum, nýtt HYDRA kerfi, uppsetningu á fjórum nýjum lóðréttum frystum og frystingu í lest auk endurnýjunar á öllum stjórnbúnaði.

Uppsetningartími verður mjög stuttur,  þrátt fyrir að það þurfi smá æfingar til að koma kerfinu fyrir en það verður gert með því að skera úr hlið á skipinu og koma kerfinu þannig inni í rýmið.

Stór skref tekin á stuttum tíma

Nýjar frystivélar munu keyra 50kg. af freon 449A staðbundið við vélarnar en umhverfisvænn kælivökvi mun streyma frá HYDRA kerfinu inn á plötufrysta og spírala í lest. Þannig er búið að útrýma freon alfarið frá plötufrystum og lestinni. Um borð í þessu skipi er verið að taka um 450kg. af freon úr umferð.

Nýr stjórnbúnaður frá Kælingu Víkurafli fyrir allt kælikerfið í heild sinni tryggir fullkomna og samhæfða stjórnun á frystivél, HYDRA kerfi, plötufrystum og spírulum í lest. Þannig næst nákvæmari stjórnun og mun betri orkunýting og aukin kæliafköst.

Hætta á dýrum tjónum vegna leka er nú úr myndinni

Með HYDRA kerfinu er hættu á fjárhagstjóni og umhverfistjóni vegna freonleka algjörlega lágmörkuð. HYDRA kerfið bætir orkunýtingu og með nýju stjórnkerfi sem nær yfir kerfið í heild sinni næst ennþá meiri rekstrarhagkvæmni og betri orkunýting.

Skipið einungis stopp í 3 vikur

HYDRA verkefnin eru mjög fljót að borga sig upp. Í þessu tilfelli mun skipið sem er gert út á slím á einungis stoppa í 3 vikur. Eftir þennan stutta uppsetningartíma verðu viðskiptavinur okkar kominn með frystikerfi sem stenst allar nýtíma kröfur hvað varðar umhverfismál, rekstrarhagkvæmni og afköst. Þetta er aðgerð sem reiknað er með að borgi sig upp á mjög skömmum tíma.

HYDRA á leið í fleiri erlend skip á næstunni

Á næstu misserum fara fleiri skip frá þessum viðskiptavini í gegnum samskonar endurbætur.

HYDRA sett um borð í Núp BA 69

Vinsældir HYDRA lausnarinnar aukast hratt

by with No Comment FréttirVerkefni

Það er mikið framundan hjá Kælingu Víkurafli við endurnýjanir og uppfærslur á lestarkælingum. Við höfum verið að vinna í lotu með fjórum skipum þar sem koma á HYDRA lausn um borð og minnka þar með freon notkun við lestarkælingu um allt að 90%, og útrýma freoni algjörlega úr lestarrýmum.

HYDRA sett um borð í Núp BA 69

Einstaklega stuttur uppsetningartími

HYDRA er ein af þessum einstöku lausnum sem er fljótleg í uppsetningu. Algengur uppsetningartími er ein vika, en fer að sjálfsögðu eftir umfangi og aðstæðum hverju sinni. Ef endurnýja þarf lagnir þá taka verkefnin lengri tíma en ef þær eru góðar þá tekur innleiðing á HYDRA mjög stuttan tíma.

Þessi lausn getur verið mjög fljót að borga sig upp og dregur verulega úr umhverfislegri og fjárhagslegri áhættu á freon lekum.

HYDRA kerfið nýlega komið um borð í Núp BA 69

Kæling Víkurafl hefur nýlega lokið vinnu um borð í Núp BA 69 við að endurnýja lestarkælinguna og setja upp HYDRA kerfi. 

Saga þessa skips er áhugaverð en upprunalega var þetta skip smíðað sem frystiskip og hét þá Tjaldur II, gerður út af KG fiskverkun á Rifi, þá var hann með tvo lóðrétta plötufrysta, einn lausfrysti og frystilest, á kerfinu voru um 1500 kg af kælimiðli. 

Fyrir um 15 árum breyttum við í Kælingu Víkurafli þessu kerfi þannig að einungis var haldið kælingu í lestinni, eftir þær breytingar varð magn kælimiðils á kerfinu um 60 kg. Þetta skip er mjög gott dæmi um hvernig reglulegar uppfærslur og nýting tækninýjunga stuðlar að hámarks rekstrarhagkvæmni.

HYDRA kerfið er einmitt dæmi um umhverfisvæna tækninýjung sem er fljótt að borga sig. Það var því mjög ánægjulegt að fá tækifæri til að vinna með útgerðafélaginu Odda og að fara enn og aftur um borð í Núp 69 til að auka enn frekar hagkvæmni og öryggi í rekstri þess. Eftir nýjustu breytingar er einungis um 10 kg af freoni á kerfinu, staðbundið við kælivélina og -10°C glýcoli dælt inn á kælispírala lestarinnar til að ná fram kælingu. 

Fleiri skip fá HYDRA kerfi á næstunni

Næstu skip eru þrjú skip frá Skinney Þinganesi:

  • Steinunn SF-10
  • Skinney SF-20
  • Þinganes SF-25

En um borð í þessum skipum á að draga á úr freon notkun um allt að 90% og verður þá aðeins 10% freon notkun staðbundin rétt við kælivélina en umhverfisvænir kælimiðlar streyma um kælispírala og aðrar lagnir í kerfinu.

Áætlað er að klára að endurnýjun um borð í skipum Skinneyjar Þinganess í september 2026.  

Nýtt umhverfisvænt kælikerfi í gámaútfærslu fyrir First Water frá Kælingu Víkurafli

Nýtt sérhannað Co2 kælikerfi fyrir First Water

by with No Comment FréttirVerkefni

Á vormánuðum 2025 afhentum við hjá Kælingu Víkurafli nýtt sérhannað umhverfisvænt kælikerfi til landeldisfélagsins First Water í Þorlákshöfn. Verkefnið fólst í að hanna kælikerfi til að kæla tvo stóra kælitanka fyrir lax eftir slátrun og einnig  til að kæla stóran afurðarkæli verksmiðjunnar.

Nýtt umhverfisvænt kælikerfi í gámaútfærslu fyrir First Water frá Kælingu Víkurafli

Umhverfismál í forgrunni

Eigendum First Water er mjög umhugað um náttúruna sem fellur mjög vel að stefnu og markmiðum við Kælingar Víkurafls sem hefur um langt skeið lagt mikið upp úr þróun á umhverfisvænum kælilausnum þar sem bæði eru notaðir nátturulegir og umhverfisvænir kælimiðlar og raforkuþörf haldið í lágmarki. En Kæling Víkurafl býður bæði staðlaðar og sérhannaðar umhverfisvænar kælilausnir. Bæði er hægt að fá kælikerfi hönnuð frá grunni en einnig hægt að nýta stóran hluta af eldri kælikerfum og gera þau umhverfisvæn.

Sérhannað Co2 kælikerfi

Fyrir First Water var niðurstaðan sérútfærð gámalausn með kælikerfi sem nýtir CO2/kolsýru sem frum kælimiðil og dælir glycol umhverfisvænum frostlegi að kælitönkum fyrir lax og svo kæliblásurum í afurðarkæli.

Til að hámarka orkunotkun kerfisins enn frekar þá er sá hiti sem fellur til við varmaskipti nýttur til að hita upp vatn fyrir þrif á vinnslu sem eykur enn frekar hagkvæmni kælikerfisins.

First Water velur umhverfisvænt kælikerfi frá Kælingu Víkurafli sem nýtir Co2 sem kælimiðil.

Fjölþættar gámalausnir

Kæling býður fjölbreyttar gámalausnir sem passa fullkomlega fyrir vinnslur í landi hvort sem lausnirnar þurfa að vera færanlegar eða til að tengja varanlegum vinnslustöðum. Kostirnir eru fjölþættir, færanleikinn getur komið sér vel en ekki síður þeir kostir að það getur verið mjög fljótlegt að innleiða nýjar kælilausnir á vinnslustöðum þar sem gámum er komið fyrir á athafnasvæði og þeir svo tengdir við húsin með tilheyrandi lögnum og þar með getur kælimiðlar og eða ískrapi flætt á þá staði sem þeirra er þörf. Gámalausnirnar geta líka verið mjög hentugar og hagkvæmar lausnir á þeim stöðum sem húsnæði er takmarkað.

Nú er mun auðveldara að taka umhverfisvæn skref fyrir kælikerfi

Fyrirtæki hafa í dag marga valmöguleika til að taka umhverfisvæn skref varðandi kælikerfi og kælibúnað. Kæling Víkurafl hefur lagt mikið í þróun á umhverfisvænum kælilausnum um langa hríð. 

Nú geta fyrirtæki ýmist keypt ný mjög umhverfisvæn kælikerfi þar sem eingöngu eru notaðir umhverfisvænir kælimiðla.

Fyrirtæki geta einnig gert núverandi kælikerfi mun umhverfisvænni, hagkvæmari í rekstri og áhættuminni varðandi leka á kælimiðlum með hybrid lausnum líkt og Hydra frá Kælingu Víkurafl.

Ef þú vilt taka umhverfisvæn skref varðandi kælimál í þínu fyrirtæki hafðu þá samband við kælisérfræðinga okkar.

Kæling Víkurafl hlýtur styrk frá Tækniþróunarsjóði

Kæling Víkurafl hlýtur styrk frá Tækniþróunarsjóði

by with No Comment Fréttir

Nú nýlega hlaut Kæling Víkurafl styrk frá Tækniþróunarsjóði vegna þróunar og smíði á vistvænni ískrapalausn, ICECO₂L, sem er  með CO₂-glýkól kælimiðli. Tækninýjung sem stillir sig sjálfvirkt saman við hvaða kælibera sem er. Leysir af hólmi F-gös og NH3-kerfi og er fullkomlega sveigjanlegt,  ómengandi,  orkusparandi,  sjálfvirkt  og  vistvænt. 

Icecool logo
Tækniþróunarsjóður logo

Það er mikill heiður að fá svona opinbera viðurkenningu á því mikla þróunar- og nýsköpunarstarfi sem unnin er hér  innanhúss hjá okkur í Kælingu Víkurafl.

Kæling Víkurafl er umboðsaðili PolarFoxx á Íslandi. Á myndinni má sjá skjámynd í vöktunarbúnði, hitanema, rakanema og skjámynd í appi til að fylgjast með hitastigi í vöktuðum rýmum hvar sem er.

Kæling Víkurafl er umboðsaðili PolarFoxx á Íslandi

by with No Comment Fréttir

Nýlega var undirritaður samstarfssamningur á milli Kælingar Víkurafls og PolarFoxx í Þýskalandi. Kæling Víkurafl verður því umboðsaðili fyrir vörur PolarFoxx www.polarfoxx-shop.com, á Íslandi en PolarFoxx er leiðandi í framleiðslu og sölu á þráðlausum hitamælum og rakamælum auk vöktunarkerfa til að vakta öll þau rými og staði þar sem mikilvægt er að fylgjast með hitastigi.

 

Vöktunarkerfin búa yfir nákvæmum skráningum og sjálfvirkum aðgerðum. Kerfin geta unnið skýrslur og sent með sjálfvirkum hætti á ákveðnum tímasetningum. Einnig er hægt að skilgreina sjálfvirkt viðbragð sem getur falið í sér sendingu tölvupósta og eða hringingar í síma ef upp koma frávik á kjörhita- og eða rakastigi.

Kæling Víkurafl ef umboðsaðili PolarFoxx á Íslandi. Á myndinni eru PolarFoxx þráðlausir hitanemar og rakanemar.

Mikil reynsla í lausnum fyrir matvælaiðnað

Í boði eru vandaðr lausnir m.a. fyrir veitingastaði, matvöruverslanir, iðnaðareldhús og eða kjötvinnslur. Í matvælaþjónustu skiptir öllu máli að fylgja HACCP leiðbeiningum til fulls til að tryggja gæði og öryggi matvæla.

 

Vaktaðir flutningar

Með lausnum frá PolarFoxx er m.a. hægt að tryggja áreiðanleg eftirlit með hitastigi við flutninga. Þessar lausnir hafa reynst afar vel fyrir matvæla- og lyfjaflutninga þar sem hver mínúta við rangt hitastig getur skiptskiptir öllu máli.

 

Við erum með lausnina

Ef fylgjast þarf með, skrá upplýsingar, gera skýrslur og bregðast við frávikum í hitastigi, rakastig og að tengingar séu virkar þá bjóðum við lausnina. Einn af fjölmörgum lausna frá PolarFoxx er að hægt er að byrja smátt og skala kerfi upp eftir vexti og þörfum fyrirtækja.

 

Raflausnasérfræðingar Kælingar Víkurafls eru þér innan handar að við hönnun og val á sérsniðnum lausnum fyrir þitt fyrirtæki. Fyrir frekari upplýsingar bendum við á tölvupóstinn info@cooling.is og eða símanúmer okkar 565-7918

Kæling 20 ára á myndinni eru stofnendur félagsins Atli Steinn Jónsson og E. Stefán. Kristjánsson. Kæling hefur nú sameinast Víkurafli undir Kæling Víkurafl.

Við fögnum 20 ára afmæli

by with No Comment Fréttir

20 ár í kælibransanum

Núna í maí eru 20 ár síðan Kæling var stofnuð í bílskúr í Hafnarfirði. Nú fögnum við þessum merku tímamótum stolt sem Kæling Víkurafl.

Af þessu tilefni fjallaði mbl.is um sögu og þróun félagsins í skemmtilegri grein sem má lesa hér.

Kæling Víkurafl 20 ára afmælisútgáfa af logoi

Upp­haf Kæl­ing­ar ehf má rekja til þess að Atli Steinn og Stefán kynnt­umst við störf í öðru fé­lagi. Það kom fljót­lega í ljós að þeir félagar höfðu sama metnað og að hug­ur þeirra stefndi hærra, sem varð til þess að við Kæl­ingu ehf. var stofnuð í maí árið 2005.

Þeir félagar byrjuðu með tvær hend­ur tóm­ar í bíl­skúrn­um heima hjá Atla en halda nú upp á tutt­ugu ára af­mæli fyr­ir­tæk­is­ins sem má lesa nánar um hér. 

Fjölþætt þjónusta hjá Kælingu og Víkurafli alhliða rafþjónusta fyrir viðskiptavini bætist við þjónustuframboð Kælingar.

Aukin þjónusta

by with No Comment Fréttir

Með sameiningu Kælingar og Víkurafls eykst þjónustan til muna frá því sem áður var. Sameinuð félög geta nú aukið þjónustuframboð sitt þar sem Víkurafl hefur hingað til sérhæft sig í rafþjónustu við sjávarútveg og annan hefðbundinn iðnað ásamt því að setja upp stýringar við vélar, kælikerfi og önnur hefðbundin vélakerfi. Nú er einnig boðið upp á alhliða vinnu við raflagnir, nýlagnir, viðhald og annað því tengdu.

Vinna við færanlega ískrapaverksmiðju í gám

Gott starf hjá öflugu fyrirtæki

by with No Comment FréttirStörf

Kæling Víkurafl ehf. leitar eftir að ráða öflugan starfskraft í skemmtilegt og spennandi framtíðarstarf innan teymis sem vinnur að nýsköpun og þjónustu við kælilausnir. 

Starfið felur í sér:

  • Nýsmíði
  • Málmvinnslu
  • Suðuvinnu
  • Smíði og uppsetningu nútíma kælilausna
  • Eftirlit og viðhald kælilausna hjá viðskiptavinum

Starfið kallar á að starfsfólk þurfi mögulega að vera á ferðinni, um höfuðborgarsvæðið, úti á landi og mögulega erlendis ef þurfa þykir.

Menntunarkröfur og hæfniskröfur:

  • Menntun á sviði vélstjórnunar, vélvirkjunar, véltækni eða sambærileg er æskileg.
  • Jákvæðni, sveigjanleiki og sjálfstæð hugsun eru lykilatriði
  • Hæfni til að vinna vel í hóp og eiga gott með samvinnu.

Þó menntun skorti  hvetjum við öll sem hafa áhuga að starfa í þessum geira að sækja um þó svo að að reynslu og menntun skorti.

Skil á umsóknum og umsóknarfrestur

Umsóknir sendist í gegnum skráningar á Alfreð – alfred.is 

Umsóknarfrestur er til og með 31. mars 2025 en Kæling Víkurafl ehf. áskilur sér rétt á að ráða inn fólk áður en umsóknarfrestur rennur út.

Sækja um starf

Nánari upplýsingar um starfið

Nánari upplýsingar um starfið veitir Atli Steinn Jónsson, framkvæmdastjóri í gegnum tölvupóst atli@cooling.is

Um Kælingu

Kæling Víkurafl ehf. er framsækið lausnafyrirtæki á sviði kælitækni og rafþjónustu sem selur og þjónustar kælilausnir fyrir fjölda atvinnugreina hér heima og erlendis. Hér er gullið tækifæri til að vaxa í starfi og öðlast dýrmæta þekkingu í nútíma kælitækni. 

Hjá Kælingu Víkurafli starfar öflugt og samheldið teymi sem leggur mikið upp úr léttum og skemmtilegum anda á sama tíma og unnið er af krafti og metnaði að öllum verkefnum. Við fögnum áfangasigrum og gerum okkur reglulega glaðan dag saman og með fjölskyldum okkar.

Kæling Víkurafl er verkefnadrifið fyrirtæki þar sem boðið er upp á sveigjanleika þegar kemur að því hvernig starfsmenn mæta verkefnum sínum en leggjum á sama tíma áherslu á samvinnu og samveru á vinnustaðnum.

Stjórnendur félagsins leggja mikið upp úr því að fólki líði vel hjá fyrirtækinu og veita starfsfólki tækfæri til að vaxa og dafna í starfi. Að starfa hjá Kælingu veitir tækifæri til að öðlast fjölbreytta og dýrmæta reynslu í kæliiðnaði með möguleikum á að sækja sér frekari menntun á því sviði. Starfsánægja í fyrirtækinu er mjög góð sem endurspeglast m.a. í stöðugt hækkandi starfsaldri og lágri starfsmannaveltu.  

Smelltu hér til að fá nánari upplýsingar um Kælingu Víkurafl.