Kæru sjómenn og fjölskyldur ykkar, innilega til hamingju með daginn. Sjómannadagurinn er merkilegur dagur sem verðugt er að fagna og virða.
Fullkominn tími til að hugsa til allra þeirra sem hafa byggt upp framúrskarandi og öflugan sjávarútveg á Íslandi í fortíð og nútíð. Við hjá Kælingu Víkurafli óskum ykkur öllum innilega til hamingju með daginn.
Fyrir nokkrum dögum sendum við stærsta HYDRA kerfið sem hefur verið gert til þessa, til austurstrandar Bandaríkjanna. Umfangið er þannig að það rétt rúmast fyrir í 20 feta gám. Stærð þessa kerfis er 50/1500 kg. freon/kuldaberi.
Verkefnið felur í sér uppsetningu á nýjum frystivélum, nýtt HYDRA kerfi, uppsetningu á fjórum nýjum lóðréttum frystum og frystingu í lest auk endurnýjunar á öllum stjórnbúnaði.
Uppsetningartími verður mjög stuttur, þrátt fyrir að það þurfi smá æfingar til að koma kerfinu fyrir en það verður gert með því að skera úr hlið á skipinu og koma kerfinu þannig inni í rýmið.
Nýjar frystivélar munu keyra 50 kg. af freon R449A staðbundið við vélarnar en 1500 kg. umhverfisvænn kælivökvi mun streyma frá HYDRA kerfinu inn á plötufrysta og spírala í lest. Þannig er búið að útrýma freon alfarið frá plötufrystum og lestinni. Um borð í þessu skipi er verið að taka um 1.450 kg. af freon úr umferð.
Nýr stjórnbúnaður frá Kælingu Víkurafli fyrir allt kælikerfið í heild sinni tryggir fullkomna og samhæfða stjórnun á frystivél, HYDRA kerfi, plötufrystum og spírulum í lest. Þannig næst nákvæmari stjórnun og mun betri orkunýting og aukin kæliafköst.
Með HYDRA kerfinu er hættu á fjárhagstjóni og umhverfistjóni vegna freonleka algjörlega lágmörkuð. HYDRA kerfið bætir orkunýtingu og með nýju stjórnkerfi sem nær yfir kerfið í heild sinni næst ennþá meiri rekstrarhagkvæmni og betri orkunýting.
HYDRA verkefnin eru mjög fljót að borga sig upp. Í þessu tilfelli mun skipið sem er gert út á slím á einungis stoppa í 3 vikur. Eftir þennan stutta uppsetningartíma verðu viðskiptavinur okkar kominn með frystikerfi sem stenst allar nýtíma kröfur hvað varðar umhverfismál, rekstrarhagkvæmni og afköst. Þetta er aðgerð sem reiknað er með að borgi sig upp á mjög skömmum tíma.
Á næstu misserum fara fleiri skip frá þessum viðskiptavini í gegnum samskonar endurbætur.
Það er mikið framundan hjá Kælingu Víkurafli við endurnýjanir og uppfærslur á lestarkælingum. Við höfum verið að vinna í lotu með fjórum skipum þar sem koma á HYDRA lausn um borð og minnka þar með freon notkun við lestarkælingu um allt að 90%, og útrýma freoni algjörlega úr lestarrýmum.
HYDRA er ein af þessum einstöku lausnum sem er fljótleg í uppsetningu. Algengur uppsetningartími er ein vika, en fer að sjálfsögðu eftir umfangi og aðstæðum hverju sinni. Ef endurnýja þarf lagnir þá taka verkefnin lengri tíma en ef þær eru góðar þá tekur innleiðing á HYDRA mjög stuttan tíma.
Þessi lausn getur verið mjög fljót að borga sig upp og dregur verulega úr umhverfislegri og fjárhagslegri áhættu á freon lekum.
Kæling Víkurafl hefur nýlega lokið vinnu um borð í Núp BA 69 við að endurnýja lestarkælinguna og setja upp HYDRA kerfi.
Saga þessa skips er áhugaverð en upprunalega var þetta skip smíðað sem frystiskip og hét þá Tjaldur II, gerður út af KG fiskverkun á Rifi, þá var hann með tvo lóðrétta plötufrysta, einn lausfrysti og frystilest, á kerfinu voru um 1500 kg af kælimiðli.
Fyrir um 15 árum breyttum við í Kælingu Víkurafli þessu kerfi þannig að einungis var haldið kælingu í lestinni, eftir þær breytingar varð magn kælimiðils á kerfinu um 60 kg. Þetta skip er mjög gott dæmi um hvernig reglulegar uppfærslur og nýting tækninýjunga stuðlar að hámarks rekstrarhagkvæmni.
HYDRA kerfið er einmitt dæmi um umhverfisvæna tækninýjung sem er fljótt að borga sig. Það var því mjög ánægjulegt að fá tækifæri til að vinna með útgerðafélaginu Odda og að fara enn og aftur um borð í Núp 69 til að auka enn frekar hagkvæmni og öryggi í rekstri þess. Eftir nýjustu breytingar er einungis um 10 kg af freoni á kerfinu, staðbundið við kælivélina og -10°C glýcoli dælt inn á kælispírala lestarinnar til að ná fram kælingu.
Næstu skip eru þrjú skip frá Skinney Þinganesi:
En um borð í þessum skipum á að draga á úr freon notkun um allt að 90% og verður þá aðeins 10% freon notkun staðbundin rétt við kælivélina en umhverfisvænir kælimiðlar streyma um kælispírala og aðrar lagnir í kerfinu.
Áætlað er að klára að endurnýjun um borð í skipum Skinneyjar Þinganess í september 2026.
Á vormánuðum 2025 afhentum við hjá Kælingu Víkurafli nýtt sérhannað umhverfisvænt kælikerfi til landeldisfélagsins First Water í Þorlákshöfn. Verkefnið fólst í að hanna kælikerfi til að kæla tvo stóra kælitanka fyrir lax eftir slátrun og einnig til að kæla stóran afurðarkæli verksmiðjunnar.
Eigendum First Water er mjög umhugað um náttúruna sem fellur mjög vel að stefnu og markmiðum við Kælingar Víkurafls sem hefur um langt skeið lagt mikið upp úr þróun á umhverfisvænum kælilausnum þar sem bæði eru notaðir nátturulegir og umhverfisvænir kælimiðlar og raforkuþörf haldið í lágmarki. En Kæling Víkurafl býður bæði staðlaðar og sérhannaðar umhverfisvænar kælilausnir. Bæði er hægt að fá kælikerfi hönnuð frá grunni en einnig hægt að nýta stóran hluta af eldri kælikerfum og gera þau umhverfisvæn.
Fyrir First Water var niðurstaðan sérútfærð gámalausn með kælikerfi sem nýtir CO2/kolsýru sem frum kælimiðil og dælir glycol umhverfisvænum frostlegi að kælitönkum fyrir lax og svo kæliblásurum í afurðarkæli.
Til að hámarka orkunotkun kerfisins enn frekar þá er sá hiti sem fellur til við varmaskipti nýttur til að hita upp vatn fyrir þrif á vinnslu sem eykur enn frekar hagkvæmni kælikerfisins.
Kæling býður fjölbreyttar gámalausnir sem passa fullkomlega fyrir vinnslur í landi hvort sem lausnirnar þurfa að vera færanlegar eða til að tengja varanlegum vinnslustöðum. Kostirnir eru fjölþættir, færanleikinn getur komið sér vel en ekki síður þeir kostir að það getur verið mjög fljótlegt að innleiða nýjar kælilausnir á vinnslustöðum þar sem gámum er komið fyrir á athafnasvæði og þeir svo tengdir við húsin með tilheyrandi lögnum og þar með getur kælimiðlar og eða ískrapi flætt á þá staði sem þeirra er þörf. Gámalausnirnar geta líka verið mjög hentugar og hagkvæmar lausnir á þeim stöðum sem húsnæði er takmarkað.
Fyrirtæki hafa í dag marga valmöguleika til að taka umhverfisvæn skref varðandi kælikerfi og kælibúnað. Kæling Víkurafl hefur lagt mikið í þróun á umhverfisvænum kælilausnum um langa hríð.
Nú geta fyrirtæki ýmist keypt ný mjög umhverfisvæn kælikerfi þar sem eingöngu eru notaðir umhverfisvænir kælimiðla.
Fyrirtæki geta einnig gert núverandi kælikerfi mun umhverfisvænni, hagkvæmari í rekstri og áhættuminni varðandi leka á kælimiðlum með hybrid lausnum líkt og Hydra frá Kælingu Víkurafl.
Ef þú vilt taka umhverfisvæn skref varðandi kælimál í þínu fyrirtæki hafðu þá samband við kælisérfræðinga okkar.
Nú nýlega hlaut Kæling Víkurafl styrk frá Tækniþróunarsjóði vegna þróunar og smíði á vistvænni ískrapalausn, ICECO₂L, sem er með CO₂-glýkól kælimiðli. Tækninýjung sem stillir sig sjálfvirkt saman við hvaða kælibera sem er. Leysir af hólmi F-gös og NH3-kerfi og er fullkomlega sveigjanlegt, ómengandi, orkusparandi, sjálfvirkt og vistvænt.
Það er mikill heiður að fá svona opinbera viðurkenningu á því mikla þróunar- og nýsköpunarstarfi sem unnin er hér innanhúss hjá okkur í Kælingu Víkurafl.
Nýlega var undirritaður samstarfssamningur á milli Kælingar Víkurafls og PolarFoxx í Þýskalandi. Kæling Víkurafl verður því umboðsaðili fyrir vörur PolarFoxx www.polarfoxx-shop.com, á Íslandi en PolarFoxx er leiðandi í framleiðslu og sölu á þráðlausum hitamælum og rakamælum auk vöktunarkerfa til að vakta öll þau rými og staði þar sem mikilvægt er að fylgjast með hitastigi.
Vöktunarkerfin búa yfir nákvæmum skráningum og sjálfvirkum aðgerðum. Kerfin geta unnið skýrslur og sent með sjálfvirkum hætti á ákveðnum tímasetningum. Einnig er hægt að skilgreina sjálfvirkt viðbragð sem getur falið í sér sendingu tölvupósta og eða hringingar í síma ef upp koma frávik á kjörhita- og eða rakastigi.
Í boði eru vandaðr lausnir m.a. fyrir veitingastaði, matvöruverslanir, iðnaðareldhús og eða kjötvinnslur. Í matvælaþjónustu skiptir öllu máli að fylgja HACCP leiðbeiningum til fulls til að tryggja gæði og öryggi matvæla.
Með lausnum frá PolarFoxx er m.a. hægt að tryggja áreiðanleg eftirlit með hitastigi við flutninga. Þessar lausnir hafa reynst afar vel fyrir matvæla- og lyfjaflutninga þar sem hver mínúta við rangt hitastig getur skiptskiptir öllu máli.
Ef fylgjast þarf með, skrá upplýsingar, gera skýrslur og bregðast við frávikum í hitastigi, rakastig og að tengingar séu virkar þá bjóðum við lausnina. Einn af fjölmörgum lausna frá PolarFoxx er að hægt er að byrja smátt og skala kerfi upp eftir vexti og þörfum fyrirtækja.
Raflausnasérfræðingar Kælingar Víkurafls eru þér innan handar að við hönnun og val á sérsniðnum lausnum fyrir þitt fyrirtæki. Fyrir frekari upplýsingar bendum við á tölvupóstinn info@cooling.is og eða símanúmer okkar 565-7918
Upphaf Kælingar ehf má rekja til þess að Atli Steinn og Stefán kynntumst við störf í öðru félagi. Það kom fljótlega í ljós að þeir félagar höfðu sama metnað og að hugur þeirra stefndi hærra, sem varð til þess að við Kælingu ehf. var stofnuð í maí árið 2005.
Þeir félagar byrjuðu með tvær hendur tómar í bílskúrnum heima hjá Atla en halda nú upp á tuttugu ára afmæli fyrirtækisins sem má lesa nánar um hér.
Með sameiningu Kælingar og Víkurafls eykst þjónustan til muna frá því sem áður var. Sameinuð félög geta nú aukið þjónustuframboð sitt þar sem Víkurafl hefur hingað til sérhæft sig í rafþjónustu við sjávarútveg og annan hefðbundinn iðnað ásamt því að setja upp stýringar við vélar, kælikerfi og önnur hefðbundin vélakerfi. Nú er einnig boðið upp á alhliða vinnu við raflagnir, nýlagnir, viðhald og annað því tengdu.