Sjókælar

Sjókælar fyrir íslenskar aðstæður

Sjókælar frá Kælingu eru í hæsta gæðaflokki og hannaðir fyrir þá sem vilja nýta nútíma kælitækni og hámarka aflaverðmæti.

Sjókælar eru notaðir á mörum stigum matvælavinnslu, bæði til sjós og lands. Með því að kæla sjó má setja afurðir beint í kælingu um leið og þær koma um borð. Rétt kæling hægir á vexti gerla og minnkar virkni ensíma. Hægt er að nota kælana til þess að kæla fiskinn í áður en hann fer niður í lest eftir slægingu og þvott. Við það er varan komin niður undir 0°C áður en hún er ísuð niður í lestar skipsins.

Með því að kæla fisk strax í körum með köldum sjó er einnig verið að lágmarka þann ís sem þarf á aflann. Þar sem sjóhiti er mikill er nauðsynlegt að kæla hann niður í 0-2°C áður en hann fer inn á ískrapavélar.

Glussadrifið kerfi

Sjókælar hentar mjög vel fyrir þau skip sem ekki eru útbúin ljósavél. Þar sem takmarkaður aðgengur er að 220V eða 400V rafmagni kemur glussatæknin að góðum notum. Kælipressan á sjókælinum er drifin áfram af glussakerfi skipsins, sjódælan þarf 24 volta rafmagni, en stjórntaflan þarf 220V.

Sjórinn er kældur niður í 0°C eða allt að -1,5°C
Hefðbundinn sjókælir er þannig uppbyggður að kælipressu sem drifin er áfram af 3 fasa rafmagni, eimsvala, títanvarmaskipti ásamt stýrilokum og stjórnlokum er komið fyrir á grind, oftast með áfastri stjórntöflu sem einnig má koma fyrir annars staðar í skipinu. Sjókælar geta kælt sjó niður fyrir 0°C, eða allt að -1,5°C.

Tengja saman sjókæli og ískrapavél

Þegar sjókælir er tengdur við ísvél þá eru stýringar á ísvélinni sem stjórna sjókælinum og flæðinu sem fer í gegnum hann. Ef um stakan sjókæli er að ræða, sem á að leitast við að koma frá sér t.d. 0°C sjóhita, þá er hann kallaður „Max flæði forkælir“.

Sjókælirinn skilar alltaf frá sér 0°C köldum sjó eða kaldari. Þar sem sjóhiti getur verið mjög breytilegur eftir árstíðum, sjá tölvustýrðir skynjarar og sérhæfður hugbúnaður til þess að hámarka sjóflæði í gegnum kælinn. Sjókælirinn afkastar meiru á veturna þegar sjóhiti er lægri og einungis þörf á að kæla hann niður um 5°C til að ná 0°C hitastigi en afkastagetan getur minnkað á sumrin þegar sjóhitinn getur náð 12°C.

Kæling býður sjókæla fyrir allar stærðir fiskiskipa

Allt frá dagróðrabátum upp í stærstu togara. Ef þú vilt hámarka ferskleika þinna sjávarafurða þá er Kæling með lausnirnar fyrir þig.