All posts by : actica

Nýverið var nýjum Indriða Kristins BA 751 hleypt af stokkunum úr skipasmíðastöðinni Trefjum í Hafnarfirði. Indriði verður með krapakerfi frá Kælingu.

Indriði er yfirbyggður 12 metra langur, 22 tonna bátur, smíðaður úr trefjaplasti. Báturinn verður gerður út frá Tálknafirði.  Hann er með 19.000 króka línubeitningarvél og róið daglega þegar gefur. Nýtt og öflugt krapakerfi frá Kælingu er um borð í bátnum en það gefur möguleika á lengri túrum ef svo ber undir. Kerfið tryggir hámarksgæði aflans þegar komið er í land þar sem hann er kældur um leið og fiskurinn kemur um borð og geymdur í lestinni við hárrétt hitastig.

Á meðfylgjandi myndum má sjá Indriða Kristins við bryggju í Hafnarfirði og krapakerfið um borð. Stefán Kristjánsson einn eigenda Kælingar er þarna að leggja lokahönd á ísetningu kerfisins og sjá til þess að allt gangi nú rétt og vel fyrir sig.

Indriði Kristins er búinn mörgum nýjungum og er einstaklega stöðugur. Kæling hefur komið að hönnun og smíði þessa skips nánast frá upphafi og strax var ljóst að mikið væri lagt upp úr að hámarka gæði aflans á öllum stigum.

Verkefnið var nokkuð krefjandi þar sem gengið er lengra í kælibúnaði um borð í þessu skipi í samanburði við mörg önnur. Áskorunin fólst fyrst og fremst í því að tryggja kælingu á öllum stigum og að koma fyrir búnaði sem tæki sem minnst pláss en væri að sama skapi aðgengilegur.

Sérhönnuð samstæða sem hámarkar verðmæti aflans

Niðurstaðan var að velja KP40 sjókælir og K4F ískrapavél. En saman vinnur þessi kælibúnaðar einstaklega vel. KP40 sjókælirinn skilar allt að 2.000 l/klst. af 0°heitum sjó og hins vegar allt að 3.000 l/klst. af sjó sem er -2° frá yfirborðshita sjávar.

Fiskurinn er kældur með fullkomnum hætti á öllum stigum

Einstakt samspil þessa kælibúnaðar gerir það að verkum að fiskurinn fer beint í sjó sem er tveimur gráðum kaldari en yfirborð sjávar og þar blæðir fiskinum út við kjöraðstæður. Þegar fiskinum hefur blætt út er hann færður yfir í ker með 0° heitum sjó þar sem er látinn kólna niður áður en hann fer niður í lest og settur í krapa.

Með þessari aðferð er hægt að tryggja hámarksgæði á aflanum allt frá því að fiskur er veiddur og þar til honum er komið til vinnslu eða á markaði í landi. 

Vésteinn er smíðaður af Trefjum í Hafnarfirði fyrir útgerðarfélagið Einhamar í Grindavík. Kæling setti upp kælikerfi í skipinu.

Skipið

Vésteinn GK-88 er 15metrar á lengd og mælist 30 brúttótonn. Vésteinn er systurskip Auðar Vésteins SU-88 og Gísli Súrssonar GK-8 og  sem Einhamar fékk afhent árið árið 2014.

Skipið er úr trefjaplasti og vel búið tækjum og stjórnbúnaði. En skipið er búið til línuveiða.

Vélarrými

Aðalvél skipsins er 880 hestafla Doosan 4V222TI  (22L). Auk þess útbúin með vökvadrifnum hliðarskrúfum að framan og aftan sem tengdar eru sjálfstýringu bátsins.

Kælibúnaður um borð í skipinu er vandaður og afkastamikill en fyrir valinu varð K4-F ískrapavél vél með forkæli og K-25 sjókæli frá Kælingu ehf.

Brúin

Brúin er velbúin tækjum en siglingatæki eru af gerðinni JRC og Raymarine. Í brunni er hægt að stýra þykkt og magni á ískrapa auk dælingar frá sjókæli til að hámarka gæði og ferskleika aflans.

Stór borðsalur er í brúnni og aðbúnaður allur hin besti.

Dekkið

Skipið er útbúið til línuveiða. Beitningavél, rekkakerfi og línuspil er frá Mustad í Noregi.

Búnaður á dekki er frá Stálorku. Löndunarkrani á er af gerðinni TMP frá Ásafli ehf.

Vel búið skip

Í lestinni er rými fyrir allt að 41 stk. 460lítra plastkör. Millidekk er lokað með aðgreindu dráttarrými.

Aðstaða fyrir áhöfn er til fyrirmyndar. Í skipunu er upphituð stakkageymsla.  Svefnpláss er fyrir fimm í lúkar auk fullkominnar eldunaraðstöðu með eldavél, bakarofni, örbylgjuofn, ísskáp og uppþvottavél.

Skipið er útbúinn til lengri útiveru ef þarf og aðbúnaður um borð fyrir áhöfn í takt við það.

Starfsfólk Kælingar óskar Einhamri og áhöfn til hamingju með nýtt og glæsilegt skip.