Hydra kælispíralar í lestarkælingu

Stærsta HYDRA kerfið á leið til BNA

by with No Comment Óflokkað

Fyrir nokkrum dögum sendum við stærsta HYDRA kerfið sem hefur verið gert til þessa, til austurstrandar Bandaríkjanna. Stærðin á þessu HYDRA kerfi er þannig að það rétt kemst fyrir í 20 feta gám. Stærðin á þessu kerfi er 50/450 lítrar freon/glycol.

Hydra kælispíralar í lestarkælingu

Verkefnið í hnotskurn

Verkefnið felur í sér uppsetningu á nýjum frystivélum, nýtt HYDRA kerfi, uppsetningu á fjórum nýjum lóðréttum frystum og frystingu í lest auk endurnýjunar á öllum stjórnbúnaði.

Uppsetningartími verður mjög stuttur,  þrátt fyrir að það þurfi smá æfingar til að koma kerfinu fyrir en það verður gert með því að skera úr hlið á skipinu og koma kerfinu þannig inni í rýmið.

Stór skref tekin á stuttum tíma

Nýjar frystivélar munu keyra 50kg. af freon 449A staðbundið við vélarnar en umhverfisvænn kælivökvi mun streyma frá HYDRA kerfinu inn á plötufrysta og spírala í lest. Þannig er búið að útrýma freon alfarið frá plötufrystum og lestinni. Um borð í þessu skipi er verið að taka um 450kg. af freon úr umferð.

Nýr stjórnbúnaður frá Kælingu Víkurafli fyrir allt kælikerfið í heild sinni tryggir fullkomna og samhæfða stjórnun á frystivél, HYDRA kerfi, plötufrystum og spírulum í lest. Þannig næst nákvæmari stjórnun og mun betri orkunýting og aukin kæliafköst.

Hætta á dýrum tjónum vegna leka er nú úr myndinni

Með HYDRA kerfinu er hættu á fjárhagstjóni og umhverfistjóni vegna freonleka algjörlega lágmörkuð. HYDRA kerfið bætir orkunýtingu og með nýju stjórnkerfi sem nær yfir kerfið í heild sinni næst ennþá meiri rekstrarhagkvæmni og betri orkunýting.

Skipið einungis stopp í 3 vikur

HYDRA verkefnin eru mjög fljót að borga sig upp. Í þessu tilfelli mun skipið sem er gert út á slím á einungis stoppa í 3 vikur. Eftir þennan stutta uppsetningartíma verðu viðskiptavinur okkar kominn með frystikerfi sem stenst allar nýtíma kröfur hvað varðar umhverfismál, rekstrarhagkvæmni og afköst. Þetta er aðgerð sem reiknað er með að borgi sig upp á mjög skömmum tíma.

HYDRA á leið í fleiri erlend skip á næstunni

Á næstu misserum fara fleiri skip frá þessum viðskiptavini í gegnum samskonar endurbætur.

Gullver og Þórunn Sveinsdóttir VE minnka freon notkun um allt að 90%

Gullver og Þórunn Sveinsdóttir minnka freon notkun um allt að 90%

by with No Comment Óflokkað

Stöðugt fleiri útgerðir velja umhverfisvænni kosti og vilja t.d. minnka freon notkun um borð í fiskiskipum sínum.

Nýlega lukum við hjá Kælingu uppsetningum á umhverfisvænum Hybrid F/A lestar kælikerfum um borð í Þórunni Sveinsdóttur
VE-401 og Gullver NS-012

Hybrid F/A lestar kælikerfi minnkar freon um allt að 90%
Hybrid F/A lestar kælikerfi minnkar freon um allt að 90%

Stór umhverfisvæn skref

Með þessum nýju Hybrid F/A lestar kælikerfum taka útgerðirnar Ós ehf. með Þórunni Sveins og Síldarvinnslan hf með Gullver 
stór umhverfisvæn skref og spara samhliða í rekstri og minnka verulega áhættu á freon tengdum vandamálum um borð.

Dregið allt að 90% úr freon notkun um borð

Til þess að auka rekstaröryggi og auka afköst kælikerfa þá höfum við hjá Kælingu þróað lausn sem gengur út á að breyta kælikerfunum í kuldabera kerfi. Settur er varmaskiptir á kælikerfið sem er með freon öðru megin og glycol hinumegin. Glycolinu sem er kælt niður -10 til -15°C er svo dælt inn á spirala í lestinni  með þessu má minnka freon magnið um 85 til 90% og halda því á við varmaskiptinn í stað þess að leiða það um allt skip.
Uppfærsla á lestar kælikerfum - freonið minnkað
Uppfærsla á lestar kælikerfum – freonið minnkað

Mikill rekstrarsparnaður

Á hefðbundnu  lestar kælikerfi eru gjarnan 50-100 kg af freon sem kælimiðli og þegar að kílógrammið af freon kostar  á milli 15 og 20.000 + vsk þá getur það verið mikið tjón ef það lekur af kælikerfinu. Freonið sem var á kerfinu áður en Hybrid F/A lausnin var sett um borð má geyma og nota næstu árin.

Helstu kostir Hybrid F/A (kuldabera) lausnar frá Kælingu eru:

  • Freon sem kælimiðilsmagn aðeins um 10% af fyrra magns á kælikerfinu
  • Jafnari kæling á kælispírulum.
  • Afbræðsla á spírölum einföld með því að hita upp glycol.
  • Ef núverandi kælikerfi er í góðu standi þá má nota spírala, stjórntöflu og stóran hluta af þjöppu samstæðunni við innleiðingu á Hybrid F/A kerfinu
  • Mun minni rekstraráhætta gagnvart Freoni – hætt á dýrum lekum heyrir sögunni til og
    innkaup á freon líklega óþörf næstu árin.       
  • Umhverfisvæn lausn. 
Við hjá Kælingu ehf. óskum Ós ehf. og Síldarvinnslunni Hf.  til lukku með þessu mikilvægu og umhverfisvænu skref.
Kæling á Sjávarútvegssýningunni 2022 í Fífunni fólk á sýningarbásnum

Mikill fjöldi á sýningarbás Kælingar

by with No Comment Óflokkað

Það var vel mætt og góð stemning á sýningarbás Kælingar á Sjávarútvegssýningunni 2022 í Fífunni. 

Margir góðir gestir stöldruðu við hjá Kælingu til að kynna sér nýjungar og ræða þau fjölmörgu tækifæri sem nú bjóðast á sviði kælitækni bæði til að auka aflaverðmæti en einnig til að auka rekstrarhagkvæmni og velja umhverfisvæna kælingalausnir.

Heimsóknir erlendra gesta eru oft mjög áhugaverðar á svona sýningum og þessi var engin undantekning. Við hér á Íslandi gerum okkur ekki oft grein fyrir hversu öflug íslensk sjávarútvegsfyrirtæki eru í því að innleiða betri tækni og umhverfisvænni lausnir í samanburði við erlend fyrirtæki. 

Eitt af því sem við tökum tökum nánast sem sjálfsögðum hlut í dag er að framleiða allan ís um borð úr sjó en það virðist mjög algengt að erlend skip þurfi að kaupa og tanka verulegt magni áður en haldið er á miðinn til þess að geta framleitt ís um borð. 

Við hjá Kælingu viljum þakka öllum sem lögðu leið sína á bás okkar og skipuleggjendum fyrir góða sýningu og þá sérstaklega fyrir verðlaunin sem Kæling hlut fyrir sýningarbásinn á sýningunn

Takk fyrir okkur.