Nýtt umhverfisvænt kælikerfi í gámaútfærslu fyrir First Water frá Kælingu Víkurafli

Nýtt sérhannað Co2 kælikerfi fyrir First Water

by with No Comment FréttirVerkefni

Á vormánuðum 2025 afhentum við hjá Kælingu Víkurafli nýtt sérhannað umhverfisvænt kælikerfi til landeldisfélagsins First Water í Þorlákshöfn. Verkefnið fólst í að hanna kælikerfi til að kæla tvo stóra kælitanka fyrir lax eftir slátrun og einnig  til að kæla stóran afurðarkæli verksmiðjunnar.

Nýtt umhverfisvænt kælikerfi í gámaútfærslu fyrir First Water frá Kælingu Víkurafli

Umhverfismál í forgrunni

Eigendum First Water er mjög umhugað um náttúruna sem fellur mjög vel að stefnu og markmiðum við Kælingar Víkurafls sem hefur um langt skeið lagt mikið upp úr þróun á umhverfisvænum kælilausnum þar sem bæði eru notaðir nátturulegir og umhverfisvænir kælimiðlar og raforkuþörf haldið í lágmarki. En Kæling Víkurafl býður bæði staðlaðar og sérhannaðar umhverfisvænar kælilausnir. Bæði er hægt að fá kælikerfi hönnuð frá grunni en einnig hægt að nýta stóran hluta af eldri kælikerfum og gera þau umhverfisvæn.

Sérhannað Co2 kælikerfi

Fyrir First Water var niðurstaðan sérútfærð gámalausn með kælikerfi sem nýtir CO2/kolsýru sem frum kælimiðil og dælir glycol umhverfisvænum frostlegi að kælitönkum fyrir lax og svo kæliblásurum í afurðarkæli.

Til að hámarka orkunotkun kerfisins enn frekar þá er sá hiti sem fellur til við varmaskipti nýttur til að hita upp vatn fyrir þrif á vinnslu sem eykur enn frekar hagkvæmni kælikerfisins.

First Water velur umhverfisvænt kælikerfi frá Kælingu Víkurafli sem nýtir Co2 sem kælimiðil.

Fjölþættar gámalausnir

Kæling býður fjölbreyttar gámalausnir sem passa fullkomlega fyrir vinnslur í landi hvort sem lausnirnar þurfa að vera færanlegar eða til að tengja varanlegum vinnslustöðum. Kostirnir eru fjölþættir, færanleikinn getur komið sér vel en ekki síður þeir kostir að það getur verið mjög fljótlegt að innleiða nýjar kælilausnir á vinnslustöðum þar sem gámum er komið fyrir á athafnasvæði og þeir svo tengdir við húsin með tilheyrandi lögnum og þar með getur kælimiðlar og eða ískrapi flætt á þá staði sem þeirra er þörf. Gámalausnirnar geta líka verið mjög hentugar og hagkvæmar lausnir á þeim stöðum sem húsnæði er takmarkað.

Nú er mun auðveldara að taka umhverfisvæn skref fyrir kælikerfi

Fyrirtæki hafa í dag marga valmöguleika til að taka umhverfisvæn skref varðandi kælikerfi og kælibúnað. Kæling Víkurafl hefur lagt mikið í þróun á umhverfisvænum kælilausnum um langa hríð. 

Nú geta fyrirtæki ýmist keypt ný mjög umhverfisvæn kælikerfi þar sem eingöngu eru notaðir umhverfisvænir kælimiðla.

Fyrirtæki geta einnig gert núverandi kælikerfi mun umhverfisvænni, hagkvæmari í rekstri og áhættuminni varðandi leka á kælimiðlum með hybrid lausnum líkt og Hydra frá Kælingu Víkurafl.

Ef þú vilt taka umhverfisvæn skref varðandi kælimál í þínu fyrirtæki hafðu þá samband við kælisérfræðinga okkar.

Kæling Víkurafl hlýtur styrk frá Tækniþróunarsjóði

Kæling Víkurafl hlýtur styrk frá Tækniþróunarsjóði

by with No Comment Fréttir

Nú nýlega hlaut Kæling Víkurafl styrk frá Tækniþróunarsjóði vegna þróunar og smíði á vistvænni ískrapalausn, ICECO₂L, sem er  með CO₂-glýkól kælimiðli. Tækninýjung sem stillir sig sjálfvirkt saman við hvaða kælibera sem er. Leysir af hólmi F-gös og NH3-kerfi og er fullkomlega sveigjanlegt,  ómengandi,  orkusparandi,  sjálfvirkt  og  vistvænt. 

Icecool logo
Tækniþróunarsjóður logo

Það er mikill heiður að fá svona opinbera viðurkenningu á því mikla þróunar- og nýsköpunarstarfi sem unnin er hér  innanhúss hjá okkur í Kælingu Víkurafl.

Kæling Víkurafl er umboðsaðili PolarFoxx á Íslandi. Á myndinni má sjá skjámynd í vöktunarbúnði, hitanema, rakanema og skjámynd í appi til að fylgjast með hitastigi í vöktuðum rýmum hvar sem er.

Kæling Víkurafl er umboðsaðili PolarFoxx á Íslandi

by with No Comment Fréttir

Nýlega var undirritaður samstarfssamningur á milli Kælingar Víkurafls og PolarFoxx í Þýskalandi. Kæling Víkurafl verður því umboðsaðili fyrir vörur PolarFoxx www.polarfoxx-shop.com, á Íslandi en PolarFoxx er leiðandi í framleiðslu og sölu á þráðlausum hitamælum og rakamælum auk vöktunarkerfa til að vakta öll þau rými og staði þar sem mikilvægt er að fylgjast með hitastigi.

 

Vöktunarkerfin búa yfir nákvæmum skráningum og sjálfvirkum aðgerðum. Kerfin geta unnið skýrslur og sent með sjálfvirkum hætti á ákveðnum tímasetningum. Einnig er hægt að skilgreina sjálfvirkt viðbragð sem getur falið í sér sendingu tölvupósta og eða hringingar í síma ef upp koma frávik á kjörhita- og eða rakastigi.

Kæling Víkurafl ef umboðsaðili PolarFoxx á Íslandi. Á myndinni eru PolarFoxx þráðlausir hitanemar og rakanemar.

Mikil reynsla í lausnum fyrir matvælaiðnað

Í boði eru vandaðr lausnir m.a. fyrir veitingastaði, matvöruverslanir, iðnaðareldhús og eða kjötvinnslur. Í matvælaþjónustu skiptir öllu máli að fylgja HACCP leiðbeiningum til fulls til að tryggja gæði og öryggi matvæla.

 

Vaktaðir flutningar

Með lausnum frá PolarFoxx er m.a. hægt að tryggja áreiðanleg eftirlit með hitastigi við flutninga. Þessar lausnir hafa reynst afar vel fyrir matvæla- og lyfjaflutninga þar sem hver mínúta við rangt hitastig getur skiptskiptir öllu máli.

 

Við erum með lausnina

Ef fylgjast þarf með, skrá upplýsingar, gera skýrslur og bregðast við frávikum í hitastigi, rakastig og að tengingar séu virkar þá bjóðum við lausnina. Einn af fjölmörgum lausna frá PolarFoxx er að hægt er að byrja smátt og skala kerfi upp eftir vexti og þörfum fyrirtækja.

 

Raflausnasérfræðingar Kælingar Víkurafls eru þér innan handar að við hönnun og val á sérsniðnum lausnum fyrir þitt fyrirtæki. Fyrir frekari upplýsingar bendum við á tölvupóstinn info@cooling.is og eða símanúmer okkar 565-7918

Kæling 20 ára á myndinni eru stofnendur félagsins Atli Steinn Jónsson og E. Stefán. Kristjánsson. Kæling hefur nú sameinast Víkurafli undir Kæling Víkurafl.

Við fögnum 20 ára afmæli

by with No Comment Fréttir

20 ár í kælibransanum

Núna í maí eru 20 ár síðan Kæling var stofnuð í bílskúr í Hafnarfirði. Nú fögnum við þessum merku tímamótum stolt sem Kæling Víkurafl.

Af þessu tilefni fjallaði mbl.is um sögu og þróun félagsins í skemmtilegri grein sem má lesa hér.

Kæling Víkurafl 20 ára afmælisútgáfa af logoi

Upp­haf Kæl­ing­ar ehf má rekja til þess að Atli Steinn og Stefán kynnt­umst við störf í öðru fé­lagi. Það kom fljót­lega í ljós að þeir félagar höfðu sama metnað og að hug­ur þeirra stefndi hærra, sem varð til þess að við Kæl­ingu ehf. var stofnuð í maí árið 2005.

Þeir félagar byrjuðu með tvær hend­ur tóm­ar í bíl­skúrn­um heima hjá Atla en halda nú upp á tutt­ugu ára af­mæli fyr­ir­tæk­is­ins sem má lesa nánar um hér. 

Fjölþætt þjónusta hjá Kælingu og Víkurafli alhliða rafþjónusta fyrir viðskiptavini bætist við þjónustuframboð Kælingar.

Aukin þjónusta

by with No Comment Fréttir

Með sameiningu Kælingar og Víkurafls eykst þjónustan til muna frá því sem áður var. Sameinuð félög geta nú aukið þjónustuframboð sitt þar sem Víkurafl hefur hingað til sérhæft sig í rafþjónustu við sjávarútveg og annan hefðbundinn iðnað ásamt því að setja upp stýringar við vélar, kælikerfi og önnur hefðbundin vélakerfi. Nú er einnig boðið upp á alhliða vinnu við raflagnir, nýlagnir, viðhald og annað því tengdu.

Vinna við færanlega ískrapaverksmiðju í gám

Gott starf hjá öflugu fyrirtæki

by with No Comment FréttirStörf

Kæling Víkurafl ehf. leitar eftir að ráða öflugan starfskraft í skemmtilegt og spennandi framtíðarstarf innan teymis sem vinnur að nýsköpun og þjónustu við kælilausnir. 

Starfið felur í sér:

  • Nýsmíði
  • Málmvinnslu
  • Suðuvinnu
  • Smíði og uppsetningu nútíma kælilausna
  • Eftirlit og viðhald kælilausna hjá viðskiptavinum

Starfið kallar á að starfsfólk þurfi mögulega að vera á ferðinni, um höfuðborgarsvæðið, úti á landi og mögulega erlendis ef þurfa þykir.

Menntunarkröfur og hæfniskröfur:

  • Menntun á sviði vélstjórnunar, vélvirkjunar, véltækni eða sambærileg er æskileg.
  • Jákvæðni, sveigjanleiki og sjálfstæð hugsun eru lykilatriði
  • Hæfni til að vinna vel í hóp og eiga gott með samvinnu.

Þó menntun skorti  hvetjum við öll sem hafa áhuga að starfa í þessum geira að sækja um þó svo að að reynslu og menntun skorti.

Skil á umsóknum og umsóknarfrestur

Umsóknir sendist í gegnum skráningar á Alfreð – alfred.is 

Umsóknarfrestur er til og með 31. mars 2025 en Kæling Víkurafl ehf. áskilur sér rétt á að ráða inn fólk áður en umsóknarfrestur rennur út.

Sækja um starf

Nánari upplýsingar um starfið

Nánari upplýsingar um starfið veitir Atli Steinn Jónsson, framkvæmdastjóri í gegnum tölvupóst atli@cooling.is

Um Kælingu

Kæling Víkurafl ehf. er framsækið lausnafyrirtæki á sviði kælitækni og rafþjónustu sem selur og þjónustar kælilausnir fyrir fjölda atvinnugreina hér heima og erlendis. Hér er gullið tækifæri til að vaxa í starfi og öðlast dýrmæta þekkingu í nútíma kælitækni. 

Hjá Kælingu Víkurafli starfar öflugt og samheldið teymi sem leggur mikið upp úr léttum og skemmtilegum anda á sama tíma og unnið er af krafti og metnaði að öllum verkefnum. Við fögnum áfangasigrum og gerum okkur reglulega glaðan dag saman og með fjölskyldum okkar.

Kæling Víkurafl er verkefnadrifið fyrirtæki þar sem boðið er upp á sveigjanleika þegar kemur að því hvernig starfsmenn mæta verkefnum sínum en leggjum á sama tíma áherslu á samvinnu og samveru á vinnustaðnum.

Stjórnendur félagsins leggja mikið upp úr því að fólki líði vel hjá fyrirtækinu og veita starfsfólki tækfæri til að vaxa og dafna í starfi. Að starfa hjá Kælingu veitir tækifæri til að öðlast fjölbreytta og dýrmæta reynslu í kæliiðnaði með möguleikum á að sækja sér frekari menntun á því sviði. Starfsánægja í fyrirtækinu er mjög góð sem endurspeglast m.a. í stöðugt hækkandi starfsaldri og lágri starfsmannaveltu.  

Smelltu hér til að fá nánari upplýsingar um Kælingu Víkurafl.

Kæling ehf. og Víkurafl ehf. sameinast. Mynd frá undirritun samnings.

Kæling ehf. og Víkurafl ehf. sameinast

by with No Comment Fréttir

Kæling ehf. og Víkurafl ehf. hafa sameinast og verður fyrst um sinn talað um „Kæling Víkurafl“ í daglegu tali.

Vinna við K40PX2 færanlega ískrapaverksmiðju frá Kælingu

Öflugt þekkingar og þjónustufyrirtæki

Við samrunan verður til mjög öflugt þekkingar og þjónustufyrirtæki á sviði hitastýringa og sjálfvirknivæðinga. Fyrirtækið selur áfram staðlaðar og sérhannaðar kæli- og hitastýringalausnir auk sjálstýringa ýmiskonar fyrir fyrirtæki í sjávarútvegi, fiskeldi, líftækniiðnaði, matvælaframleiðslu og öðrum iðnaði.

Fjölþættari þjónusta

Fyrirtækið mun einnig veita alhliða þjónustu og vöktun þegar kemur að kælibúnaði, kælilausnum og flest öllum rafbúnaði í fyrirtækjum. En fyrirtækið mun einnig sjá um öll rafmagnsmál fyrir viðskiptavini sem þess óska.

Kæling ehf. og Víkurafl ehf. sameinast. Mynd frá undirritun samnings.

Eigendur sameinaðs félags Kælingar og Víkurafls, frá vinstri: Atli Steinn Jónsson, E. Stefán Kristjánsson, Jón Pétur Sigurðsson, Arnþór Sigurðsson og Þorleifur Hjalti Alfreðsson.

Hafa unnið að mörgum sameiginlegum verkefnum

Kæling og Víkurafl hafa komið að mörgum sameiginlegum verkefnum í gegnum tíðina um borð í fiskiskipum og hjá sjávarútvegsfyrirtækjum í landi. Samvinna í þessum verkefnum hefur gengið afar vel sem var kveikjan að hugmynd eigenda að sameina félögin. Mikil sérþekking liggur hjá báðum félögum þá einna helst tengt sjávarútvegi en mikill vöxtur og ný þekking hefur myndast hratt hjá báðum félögum við uppsetningar og þjónustu við fiskeldisfyrirtæki.

Líka mikill ávinningur fyrir viðskiptavini

Samlegðaráhrif sameiningarinnar eru mikil milli félaganna og ávinningur viðskiptavina verulegur sem nú geta nýtt þá miklu þekkingu, reynslu og getu sem Kæling – Víkurafl býr yfir.  Fyrirtækið er nú í stakk búið til að annast mun stærri og flóknari verkefni en áður. Viðskiptavinir geta náð fram mun hagkvæmari verkefnum og einfaldari samskiptum í tengslum við þau með því að nýta sameinaða krafta Kælingar og Víkurafls.

Spennandi sókn framundan

Framundan er mikil sókn á mörgum sviðum en þó einn helst í tengslum við umhverfisvæn kælikerfi og kælilausnir en Kæling hefur um árabil unnið að þróun umhverfisvænna kælilausna þar sem bæði er hægt að kaupa ný kerfi sem eru alfarið nýta umhverfisvæna kælimiðla eða sá kostur sem getur verið afar hagkvæmt milliskref í hagræðingu og umhverfismálum en það er að láta breyta eldri kerfum þannig að allt að 90% af óumhverfisvænum kælimiðlum er fjarlægð. Í nýjum umhverfisvænum kælikerfum og kælibúnaði er gjarnan notast við C02 sem kælimiðil en einnig eru í boði aðrir umhverfisvænir kælimiðlar.

Vinna við K40PX2 færanlega ískrapaverksmðiju frá Kælingu í gám.
Photo 7.6.2024, 09 27 23

Kæling að leggja lokahönd á smíði færanlegrar ískrapaverksmiðju sem fer til Færeyja

by with No Comment FréttirVerkefni

Nú styttist í að við hjá Kælingu sendum nýja færanlega ískrapaverksmiðju til Færeyja. Þetta er gámlausn sem verður hluti af færanlegu sláturhúsi fyrir fiskeldi. Samstarfsaðilar okkar í Færeyrjum munu með þessari lausn geta farið á milli eldisstaða og séð um alla slátrun og frágang á afurðum til flutnings við fullkomnar aðstæður.

 

Vinna við K40PX2 færanlega ískrapaverksmiðju frá Kælingu

Dýrmætur sveigjanleiki

Það er mikil þróun í kringum fiskeldi í heiminum í dag og sú lausn sem við erum að leggja lokhönd á gefur dýrmætan ogmikilvægan sveigjanleika fyrir fiskeldisfyrirtæki og þá sérstaklega þau sem færa sig reglulega á milli staða með eldið.

 

Ískrapaverksmiðja í gám

Hlutur Kælingar í heildarlausninni snýr að framleiðslu og dælingu á ískrapa. Við höfum því hannað ískrapaverksmiðju sem komið er fyrir í 40 feta einangruðum gám. Í raun má segja að þetta sé „plug and play“ lausn þar sem þarf bara að tengja inntak fyrir sjó inn í gáminn, úttak fyrir ískrapa og rafmagn til að keyra búnaðinn.

 

 

K40PX2 ískrapaverksmiðja í vinnslu fyrir utan Kæilngu ehf.

Fjölþættar gámalausnir

Kæling býður fjölbreyttar gámalausnir sem passa fullkomlega fyrir vinnslur í landi hvort sem lausnirnar þurfa að vera færanlegar eða til að tengja varanlegum vinnslustöðum. Kostirnir eru fjölþættir, færanleikinn getur komið sér vel en ekki síður þeir kostir að það getur verið mjög fljótlegt að innleiða nýjar kælilausnir á vinnslustöðum þar sem gámum er komið fyrir á athafnasvæði og þeir svo tengdir við húsin með tilheyrandi lögnum og þar með getur kælimiðlar og eða ískrapi flætt á þá staði sem þeirra er þörf. Gámalausnirnar geta líka verið mjög hentugar og hagkvæmar lausnir á þeim stöðum sem húsnæði er takmarkað.

Vinna við K40PX2 færanlega ískrapaverksmðiju frá Kælingu í gám.