Kæling veitir fiskvinnslum og öðrum fyrirtækjum í sjávarútvegi fjölþættar og sérsniðnar kælilausnir auk allrar þjónustu við kælibúnað. Kæling annast hönnun, uppsetningu og viðhald á kælilausnum. Fullkomin kæling frá upphafi til enda er lykilþáttur í að viðhalda gæðum og heilbrigði aflaverðmæta.
Við meðferð matvæla er rétt hitastig á öllum stigum lykilatriði. Kæling býr yfir áralangri reynslu við að hanna og setja upp kælilausnir fyrir matvælafyrirtæki.
Þjónustuteymi Kælingar annast einnig alla þjónustu go viðhald kælilausna.
Með lausnum frá Kælingu er mögulegt að meðhöndla matvæli við kjöraðstæður frá móttöku og þar til þeim er komið í flutning.
Sérfræðingar okkar eru vanir því að takast á við ólíkar þarfir hjá ólíkum fiskvinnslum eftir vinnslustigum og vinnsluaðferðum.
Hvort sem starfsemi fiskvinnslu er fjölþætt eða einföld þá getum við hannað og set upp lausnir sem henta fullkomlega til að hámarka gæði afurða þegar kemur að kælingu.
Hafðu samband og fáðu aðstoð sérfræðinga við að setja upp sérhæfða kælilausnir sem henta þinni fiskvinnslu.
Fullnýttu fjárfestinguna
Uppfærsla á eldri kælikerfum fyrir umhverfisvæna kælimiðla.
Minnkaðu freon notkun um allt að 90%
Nú er tækifæri til að uppfæra eldri kælikerfi með því að fara í hybrid lausn sem getur minnkað freon notkun um allt að 90%.
Nú standa margar fiskvinnslur frammi fyrir áskorun um að leysa eldri Freonkerfi af hólmi.
Lengi vel var eini kosturinn að skipta alfarið út Freonkerfunum með mjög miklum tilkostnaði, en nú býður Kæling upp á margfalt ódýrari og einfaldari lausnir. Lausnirnar eru Hybrid F/A eða blendingslausnir þar sem lítill hluti kerfisins er með Freoni þar sem upprunalega kælingin fer fram en hún er flutt yfir í vatnsblandað Ammoníak með kuldaberum.
Ammoníaks blöndunni er dælt um lokaðar hringrásir þar sem kælingar er þörf. Við þetta minnkar Freon magnið sem þarf á hvert kerfi um allt að 90% og um leið verður kerfið öruggara, hagkvæmara og umhverfisvænna.
Ávinningurinn er mikill þar sem hætta á Freonlekum er margfallt minni og þá staðbundin. Sparnaðurinn byrjar strax að skila sér með meiri kæliafköstum og kaup á Freoni líklega úr sögunni næsta áratuginn auk jákvæðra umhverfisáhrifa.
Í þeim vinnslum þar sem tekið er á móti óslægðum afla er gjarnan unnið með sjókæla og ískrapavélar á fyrstu stigum vinnslunnar.
Aðstæður eru gjarnan mjög ólíkar frá einum stað til annars. Kæling býður því sérsniðnar lausnir sem taka mið af umhverfi og þörfum hvers og eins.
Kældur sjór er afar hentugur til að tryggja rétt hitastig afla á öllum stigum allt frá því að hann er tekin úr kví og þar til geymslukæling hefst. Sjókælar geta boðið upp á úttöku á miskældum sjó fyrir hvert vinnslustig. Þannig er hægt að vera með fullkomna kælingu á öllum stigum og hámarka gæði afla. Rétt kæling hægir á vexti gerla og minnkar virkni ensíma.
Allir sömu kostir og venjulegir sjókælar með mörg úttök með mis kældum sjó en miklu minni orkunotkun. Kældur sjór sem hefur farið í gegnum einhvern hluta vinnslu og meðhöndlun er síaður og hreinsaður áðu en hann fer aftur inn í kælispírala og þaðan aftur út til notkunar.
Þannig er sjórinn nýttur aftur og aftur og minna haft fyrir að kæla hann miðað við að taka eingöngu ferskan sjó inn á kerfið. Umhverfisvæn leið sem getur borgað sig á skömmum tíma.
Ískrapi er ein besta kælileið fyrir afla sem er í boði. Ískrapi umleikur allan aflann og tryggir þannig jafnari og betri kælingu t.d. í samanburði við hefðbundinn ís. Flekkir á roði vegna ójafnrar kælingar heyra sögunni til. Auðvelt að dæla ískrapanum þar sem best er nýta hann í ferlinu hvort sem það er á sjó eða í landi.
Ístankar fyrir geymslu á ískrapa. Hentug leið til að geta mætt miklu álagi þar sem þörf er á miklu magni af ískrapa á skömmum tíma eða meira en ískrapavélar afkasta.
Í tönkunum er hræribúnaður sem kemur í veg fyrir að sjór og ís aðskiljist. Á öðrum enda tanksins er dælubúnaður fyrir ískrapann. Hann virkar með þeim hætti að þegar að opnað er fyrir ískrapaloka þá fer ískrapadælan sjálfvirkt í gang og stöðvast þegar lokað er fyrir.
Skelís getur verið hentugur til kælinga í mörgum tilfellum. Hjá Kælingu eru í boði vandaðar og áreiðanlegar skelísvélar sem hægt er að fá í mismunandi stærðum og gerðum.
Hér á Íslandi höfum við á flestum stöðum nægjanlegt ferskvatn til að vinna með. Það getur hins vegar reynst mjög dýrmætt að geta stýrt af nákvæmni hitastiginu á vatninu. Árstíðabundnar sveiflur í ferskvatni geta haft áhrif á gæði afurða og því mikilvægt að stýra með nákvæmum hætti kjörhitastigi á vatni til vinnslu.
Nýr stjórnbúnaður
Uppfærsla á eldri kælikerfum sem bæta alla stjórnun og rekstraröryggi
Stuttur viðbragðstími með fjarþjónustu
Kæling hefur þróað af öruggan og nákvæman stjórnbúnað fyrir kælilausnir sem hentar einnig eldri lausnum frá Kælingu.
Allur nýr kælibúnaður frá Kælingu kemur með afar fullkomnum rafeindastýrðum stjórnbúnaði sem passar einnig við eldri búnað.
Nýr stjórnbúnaður opnar fyrir fjarþjónustu. Nú er hægt að greina og vandamál án þjónustuteymi Kælingar þurfi að mæta á staðinn. Afköstum er stýrt með mun nákvæmari hætti og orkunýting mun betri. Nákvæmar greiningar og álagsstýringar bæta rekstraröryggi og endingu búnaðar sem hefur verið rýflega 15 ár hingað til.
Uppfærsla sem getur borgað sig hratt til baka. Nýr stjórnbúnaður býr yfir mun nákvæmari stillingum á hitiastigi og stjórnar opnunum og lokunum með mun nákvæmari hætti en áður hefur þekkst. Þetta þýðir mun nákvæmara hitastig, mikinn raforkusparnað, skráningu upplýsinga um stöðu kerfis og búnað því tengdu, fjarþjónustu og vöktun. Taktu örugg skref í átt að sparnaði með Kælingu.
Lofthitastig í þeim rýmum sem afurðirnar fara í gegnum er mikilvægur þáttur í öllu ferlinu. Kæling býður alhliða lausnir frá því að setja upp rýmin og tryggja að rétt hitastig haldist þó að umferð starfsmanna og vinnutækja fari um svæðið.
Í upphafi er valinn búnaður sem hentar umsvifum á hverjum stað. En á sama tíma er mikilvægt að hanna og velja búnað sem getur stutt við vöxt hjá fyrirtækinu. Með náinni samvinnu afhendum við lausnir sem styðja við markmið fyrirtækja um vöxt og gæði afurða.
Hafðu samband og fáðu aðstoð sérfræðinga við að setja upp sérhæfða kælilausnir sem henta ykkar starfsemi.
Þegar lausnirnar þurfa að vera færanlega eða húsnæði er takmarkað
Kælilausnir í færanlegum gámum
Kæling býður fjölmargar útfærslur á færanlegum lausnum sem geta hentað fiskvinnslufyrirtækjum afar vel.
Mögulegt er að fá nánast allan búnað í gámaútfærslum en einnig samsettar lausnir líkt og færanleg ískrapaverksmiðja K-40PX2 sem er ískrapaverksmiðja í 40 feta gám.
Gámalausnirnar eru frábær lausn þar sem þörf er að öflugum kælilausnum á mörgum stöðum en ekki endilega á sama tíma.
Gámalausnir eru einnig frábær lausn þegar ekki er til staðar hentugt húsnæði eða ekkert pláss fyrir kælilausnir. En þá má koma fyrir gám eða gámum á athafnasvæði og tengja við vinnsluhúsnæði.
Að koma fyrir gámalausum á athafnasvæði getur verið mun einfaldari leið og fljótlegri en að koma búnaði fyrir inni í húsnæði.
Hafðu samband og kynntu þér alla kosti og þá möguleika sem eru í boði í gámalausnum frá Kælingu.