Kæling býður vandaðar og traustar alhliða kælilausnir fyrir útfararstofur, líkhús og sjúkrahús. Við hjá Kælingu skiljum mikilvægi kælingar frá andláti til útfarar. Í boði eru staðlaðar kælieiningar og kælibúnaður en einnig bjóðum við sérsniðnar lausnir eftir þörfum hvers og eins.
Kælilausnirnar eru allar búnar vönduðum kælistýringum sem geta sent boð með tölvupósti og eða haft samband við farsíma til að tilkynna frávik á kælingu og stöðu búnaðarins. Þetta getur skipt sköpum og komið í veg fyrir ómetanleg tjón.
Allar stýringar eru mjög nákvæmar og hámarka orkunýtingu auk þess sem unnt er að velja umhverfisvæna kælimiðla. Draga má verulega úr raforkukostnaði og halda jafnari kælingu allan sólarhringinn með nútímalegum stýringum og umhverfisvænum kælimiðlum.
Aðstæður eru gjarnan mjög ólíkar frá einum stað til annars. Kæling býður því sérsniðnar lausnir sem taka mið af umhverfi og þörfum hvers og eins.
Í upphafi er valinn búnaður sem hentar umsvifum á hverjum stað. En mögulegt er að bæta við kælirými þegar umsvif aukast.
Mögulegt er að velja á milli sjálfstæðra eininga þar sem hurð er að hverju hólfi fyrir hvern líkama en einnig er hægt að velja stærri lausnir þar sem gengið er inn í stærri kælirými. Í öllum lausnum eru flutningskerfi fáanleg s.s. lyftur og útdraganleg hólf sem auðvelda vinnu við þessar aðstæður.
Kæling býður heildarlausnir með ýmsum útfærslum og aukabúnaði sem auðvelda störf.
Eitt af því sem mögulegt er að velja sem hluta af heildarlausninni eru hæðarstillanlegir flutningavagnar sem auðvelda alla vinnu og tilfærslur á útfarastofum og í líkhúsum. Sterkir og áreiðanlegir vagnar úr ryðfríu stáli með öflugum rafknúnum tjökkum og hjólum sem standast álagið og auðvelt er að ýta vögnunum á.
HYDRA
Fullnýttu eldri fjárfestingu
Breyting á eldri kælikerfum fyrir umhverfisvæna kælimiðla.
Minnkaðu freon notkun um allt að 90%
Nú er tækifæri til að uppfæra eldri kælikerfi með því að bæta inn HYDRA lausn frá Kælingu sem getur minnkað núverandi freon notkun um allt að 90%.
Nokkuð algengt er að útfarastofur og líkhús hjá sjúkrastofnunum keyri á eldri kælikerfum sem nýta freon sem kælimiðil.
Lengi vel hefur eini kosturinn verið að skipta alfarið út freonkerfunum með mjög miklum tilkostnaði, en nú býður Kæling upp á margfalt ódýrari og einfaldari lausn sem nefnist HYDRA. HYDRA lausnir eru hybrid f/a (freon/ammoníak) eða blendingslausnir þar sem lítill hluti kerfisins er með freoni þar sem upprunalega kælingin fer fram en hún er flutt yfir í vatnsblandað ammoníak með kuldaberum.
Ammoníaks blöndunni er dælt um lokaðar hringrásir þangað sem kælingar er þörf. Við þetta minnkar freon magnið sem þarf á hvert kerfi um allt að 90% og um leið verður kerfið öruggara, hagkvæmara og umhverfisvænna.
Ávinningurinn er mikill þar sem hætta á freonlekum er margfalt minni og þá staðbundin. Sparnaðurinn byrjar strax að skila sér með auknum kæliafköstum og kaup á freoni líklega úr sögunni næsta áratuginn auk jákvæðra umhverfisáhrifa.
Hafðu samband og fáðu aðstoð sérfræðinga við að setja upp sérhæfðar kælilausnir sem henta ykkar starfsemi.