Fullkomin kæling frá upphafi til enda. Um leið og fiskur kemur um borð er mikilvægt meðhöndla hann við rétt hitastig allt þar til aflanum er landað. Kæling býður vandaðar kælilausnir fyrir fiskiskip og fiskvinnslur auk allrar þjónustu við þær.
Til að hámarka aflaverðmæti er mikilvægt að meðhöndla aflann við hárrétt hitastig frá því að hann kemur um borð og þar til honum er landað. Með aðstoð sjókæla er hægt að láta fisk blæða út við kjörhitastig sem varðveitir hámarks gæði á þessu stigi.
Eftir að blæðingu lýkur er mikilvægt að halda réttri kælingu ef vinna á aflann frekar eða hefja niðurkælingu í geymsluhitastig þegar vinnslu afla lýkur um borð. Að ná fullkomnu hitastigi á öllum stigum vinnslunnar er lykilatriði til að tryggja hámarks ferskleika.
HYDRA
Fullnýttu fjárfestinguna
Uppfærsla á eldri kælikerfum yfir í umhverfisvæna kælimiðla.
Minnkaðu freon notkun um allt að 90%
Nú er tækifæri til að uppfæra eldri kælikerfi með því að bæta inn HYDRA lausn frá Kælingu sem getur minnkað núverandi freon notkun um allt að 90%.
Kæling hefur þróað aðferð sem gerir útgerðum kleift að fara í sparneytnar og umhverfisvænar kælilausnir með því að uppfæra eldri kerfi með óumhverfisvænum kælimiðlum líkt og freon.
Lengi vel hefur eini kosturinn verið að skipta alfarið út freonkerfunum með mjög miklum tilkostnaði, en nú býður Kæling upp á margfalt ódýrari og einfaldari lausn sem nefnist HYDRA. HYDRA lausnir eru hybrid f/a (freon/ammoníak) eða blendingslausnir þar sem lítill hluti kerfisins er með freoni þar sem upprunalega kælingin fer fram en hún er flutt yfir í vatnsblandað ammoníak með kuldaberum.
Ammoníaks blöndunni er dælt um lokaðar hringrásir þangað sem kælingar er þörf. Við þetta minnkar freon magnið sem þarf á hvert kerfi um allt að 90% og um leið verður kerfið öruggara, hagkvæmara og umhverfisvænna.
Ávinningurinn er mikill þar sem hætta á freonlekum er margfalt minni og þá staðbundin. Sparnaðurinn byrjar strax að skila sér með auknum kæliafköstum og kaup á freoni líklega úr sögunni næsta áratuginn auk jákvæðra umhverfisáhrifa.
Aðstæður eru gjarnan mjög ólíkar frá einum stað til annars. Kæling býður því sérsniðnar lausnir sem taka mið af umhverfi og þörfum hvers og eins.
Kældur sjór er afar hentugur til að tryggja rétt hitastig afla á öllum stigum allt frá því að hann er tekinn um borð og þar til geymslukæling hefst.
Sjókælar geta boðið upp á fleiri en einn útgang fyrir kældan sjó þar sem hver og einn er með ólíkt hitastig fyrir hvert þrep vinnslunnar. Þannig er hægt að vera með fullkomna kælingu á öllum stigum og hámarka gæði afla.
Rétt kæling hægir á vexti gerla og minnkar virkni ensíma.
Allir sömu kostir og venjulegir sjókælar með mörg úttök með miskældum sjó en miklu minni orkunotkun. Kældur sjór sem hefur farið í gegnum einhvern hluta vinnslu og meðhöndlun á afla er síaður og hreinsaður áðu en hann fer aftur inn í kælispírala og þaðan aftur út til notkunar.
Þannig er kaldur sjórinn nýttur aftur og aftur og minna haft fyrir að kæla hann niður í rétt hitastig miðað við að taka eingöngu ferskan sjó inn á kerfið. Umhverfisvæn leið sem getur borgað sig á skömmum tíma.
.
RSW system
Afkastamikil hringrásakerfi sem draga verulega úr orkuþörf.
90%
Allt að 90% sparnaður
Endurnýting á kældum sjó sparar verulega orku.
Nú er tækifæri til að uppfæra eldri kælikerfi um borð með því að fara í Hybrid F/A lausn sem getur minnkað freon notkun um allt að 90%.
Kæling hefur þróað aðferð sem gerir útgerðum kleift að fara í sparneytnar og umhverfisvænar kælilausnir með því að uppfæra eldri kerfi með óumhverfisvænum kælimiðlum líkt og freon.
Lengi vel var eini kosturinn að skipta alfarið út Freonkerfunum með mjög miklum tilkostnaði, en nú býður Kæling upp á margfalt ódýrari og einfaldari lausnir. Lausnirnar eru Hybrid F/A eða blendingslausnir þar sem lítill hluti kerfisins er með Freoni þar sem upprunalega kælingin fer fram en hún er flutt yfir í vatnsblandað Ammoníak með kuldaberum.
Ammoníaks blöndunni er dælt um lokaðar hringrásir þar sem kælingar er þörf. Við þetta minnkar Freon magnið sem þarf á hvert kerfi um allt að 90% og um leið verður kerfið öruggara, hagkvæmara og umhverfisvænna.
Ískrapi er ein allra besta kælileið fyrir afla sem er í boði. Ískrapi umleikur allan aflann og tryggir þannig jafnari og betri kælingu t.d. í samanburði við hefðbundinn skelís. Flekkir á roði vegna ójafnrar kælingar heyra sögunni til. Auðvelt er að dæla ískrapa gegnum leiðslur á þá staði þar sem á að nýta hann hvort sem það eru einn eða fleiri staðir um borð í skipum eða í landi.
Þegar kemur að lestarkælikerfum þá býður Kæling nokkrar leiðir í þeim. Allt frá umhverfisvænum breytingum á eldri freonkerfum yfir í fullkomnar nýjar umhverfisvænar lausnir sem spara mikla orku og draga verulega úr rekstraráhættu.
Hjá Kælingu færðu sérhæfðar kælilausnir fyrir hvert vinnslustig um borð. Fullkomin kæling frá upphafi til enda tryggir hámarks aflaverðmæti.
Nýr stjórnbúnaður
Uppfærsla á eldri kælikerfum sem bæta alla stjórnun og rekstraröryggi
Fjarþjónusta kælikerfa um borð er bylting
Kæling hefur þróað afar öruggan og nákvæman rafeindastýrðan stjórnbúnað sem fylgir öllum nýjum kælilausnum en einnig hægt að fá fyrir eldri lausnir frá Kælingu.
Nýr stjórnbúnaður opnar fyrir fjarþjónustu. Nú er hægt að greina og jafnvel leysa vandamál án þess að sigla þurfi í land. Afköstum er stýrt með mun nákvæmari hætti og orkunýting mun betri.
Nákvæmar greiningar og álagsstýringar bæta rekstraröryggi og endingu búnaðar sem hefur verið rýflega 15 ár með eldri stjórnbúnaði.
Uppfærsla sem getur borgað sig hratt til baka. Nýr stjórnbúnaður býr yfir mun nákvæmari stillingum á hitastigi og stjórnar opnunum og lokunum með mun nákvæmari hætti en áður hefur þekkst. Þetta þýðir mun nákvæmara hitastig, mikinn raforkusparnað, skráningu upplýsinga um stöðu kerfis og búnað því tengdu, fjarþjónustu og vöktun. Taktu örugg skref í átt að sparnaði með Kælingu.
Hafðu samband og fáðu aðstoð sérfræðinga við að setja upp sérhæfðar kælilausnir sem henta ykkar starfsemi.
